Daghang mga biyahe ang naapektuhan sa Heathrow Airport sa London human sa usa ka dakong sunog nga nahitabo sa usa ka substation.
Ang London Fire Brigade Deputy Commissioner nga si Jonathan Smith niingon nga usa ka transformer nga adunay sulod nga 25,000 ka litro nga cooling oil ang nasunog.
Ang sunog nagbilin sa upat ka mga terminal sa airport nga walay kuryente.
Daghang mga biyahe ang gibalhin ngadto sa Manchester Airport sa United Kingdom, nga adunay 120 ka mga flight ang gibalhin ngadto sa alternatibong tugpahanan.
Moabot sa 5,000 ka mga panimalay sa palibot sa airport ang nawad-an usab og kuryente tungod sa sunog.
Gisusi sa mga awtoridad ang hinungdan sa sunog ug wala isalikway niini ang motibo sa terorismo.
Ang Heathrow mao ang ikaupat nga pinakabusy nga tugpahanan sa kalibutan ug ang kinadak-ang tugpahanan sa London.
