Nahagsa ang helicopter nga gisakyan ni Iranian President Ebrahim Raisi ug Foreign Minister Hossein Amirabdollahian gahapong adlawa, Mayo 19, 2024.
Matud pa nga ang gihagsaan sa helicopter duol sa minahan sa tumbaga nga gitawag og Sungun, nga nahimutang tali sa Jofa ug Varzaqan sa lalawigan sa Sidlakang Azerbaijan sa Iran.
Human sa maong balita, dali nga mirespondi ang mga rescuers ug gipaningkamutan nga makaabt sa lugar diin nahitabo ang insidente, apan tungod sa lapad nga fog ug dili maayo nga panahon nakababag kini sa mga paningkamot sa pagluwas.
Matud sa opsiyal nga nameligro ang kinabuhi ni Raisi ug ang Foreign Minister pagkahuman sa pagkahagsa sa maong helicopter apan, naglaum gihapon sila nga luwas ra ang tanan bisan pa man sa grabe nga kabalaka nga ialng nabati.
Si Raisi gikataho nga mobalik gikan sa rehiyon sa Khoda Afarin sa amihanan-kasadpang probinsya sa Iran sa Sidlakang Azarbaijan pagkahuman sa gi-inagurahan nga dam sa utlanan sa Republika sa Azerbaijan.
Ug giangkon sa mga rescuers nga bisan pa nga lisud i-navigate ang terrain gihimo nila ang tanan arun makahatag og aksyon ug gani, nigamit sila og mga drone ug aerial measures, apan tungod sa dili maayo nga kondisyon sa panahon, ang aerial search operations, pakyas gihapon.
