Hepe sa Consolacion gihangup ang CCTV ordinance nga dakong tabang sa imbestigasyon sa kapulisan

CEBU – Dako kaayog tabang sa imbestigasyon sa kapulisan sa lungsod sa Consolacion ang pag-require sa mga establisemento nga magbutang ug closed circuit television (CCTV) cameras.

Kini ang gibutyag ni Police Lieutenant Colonel Danilo Colipano, hepe sa Consolacion Police Station, kini human sa pagpasar sa Comprehensive CCTV Ordinance of 2022 sa lungsod sa Consolacion niadtong Septiyembre 12, 2022, nga hingpit nga ipatuman human sa 15 ka adlaw sa pagmantala sa ordinansa.

Gi-tataw ni Colipano nga sa niaging 2019, dihang hepe pa siya sa kapolisan sa Liloan Police Station, nga adunay nahitabong tulis sa lungsod sa Consolacion, silingang lungsod sa Liloan, nga nakabiktima sa usa ka tindahan.