CEBU CITY-Gihagit ni Angela Leyson kinsang best friend ug ang bugtong nga witness sa giingong pagpatay sa Bien Unido Bohol Mayor nga si Mayor Gisela Boniel ang abogado ni Board Member Nino Rey Boniel nga si Atty. Gery Carillo nga magpagawas og ebidensya nga magpamatuos nga buhi pa ang mayor.
Kini human nga giingong ni Carillo nga nakadawat ang campo nila og impormasyon nga buhi si Mayor Boniel ug naa sa Dubai kini.
Gihimug-atan ni Leyson nga pwede nilang e-check ang mga agency para mahbaw-an kung tinood ba gyud nga tua sa Dubai ang Mayor.
Dugang pa niya nga kung pwede lang i-reenact ang nahitabong pagpatay sa Mayor, iya gyung ihulog sa dagat kung diin mismo gilabay ang Mayor si Carillo.
Matud ni Leyson nga tan-awon niya kung makalangoy pa si Carillo ug makaluwas pa sa kalawm sa dagat nga gilabayan sa lawas sa Mayor.
