-- ADVERTISEMENT --
Nagtapok ang mga tumatan-aw sa mga cobblestone streets sa Chueca neighborhood sa Madrid, Spain aron tan-awon ang usa sa labing katingad-an nga mga lumba nga mao ang “Carrera de Tacones,” o high heels race.
Gipahigayon kini matag tuig isip kabahin sa selebrasyon sa Pride week sa siyudad diin ang lumba makakita og mga competitors nga kasagaran mga lalaki sul-ob ang mga taas nga mga tikod.
Ang abiba og singgit sa pagdasig nadungog sa tibuok panon sa katawhan samtang ang mga racers misulay sa paglabaw sa usag usa gani ang uban napandol tungod sa kataas sa mga tikod paingon sa finish line.
Bisan pa sa kagubot, ang usa maong panghitabo kay usa ka sukdanan ug kamahinungdanon sa komunidad sa LGBTQ+ sa Espanya.
