MANDAUE CITY-Nabalhog sa prisohan sa Mandaue City Police Office ang usa ka lalaki nga nalakip sa High Value Individual human sa gipahigayon nga buy-bust operation sa dakbayan sa Mandaue.
Nahitabo ang maong operasyon didto sa North Reclamation Area, Barangay Subangdaku, dakbayan sa Mandaue, kagahapong adlawa, Hulyo 20 sa kadlawon.
Giila nag suspetsado nga si Joannar Paul Vercide alyas “Atoy”, 23-anyos ug lumulupyo sa Lower Malibu, Brgy. Subangdaku, sa samang dakbayan.
Gilusad ang operasyon sa mga sakop sa Criminal and Investigation Unit (CIU) ug sa City Drug Enforcement Unit (CDEU) sa MCPO sa pakig alayon niini sa Philippine Drug Enforcement Agency Central Visayas (PDEA-7).
Nakuha sa suspetsado ang mga pakete sa gituohang shabu nga adunay gitimbangon nga 50 gramos nga nagbalor ug Php 340,000.
Sa pagkakaron giandam na ang kasong kalapasan sa Art II of R.A. 9165 o mas giila nga Comprehensive Dangerous Drugs Act of 2002.
