TALISAY CITY, CEBU-Mikalit ug hulpa ang yuta sa highway sa dakbayan sa Talisay niadtong Martes, Hunyo, kini human nga adunay usa ka busted nga tubo sa tubig ang giayo sa maong dapit.
Sa pakighinabi sa Bombo-Radyo Cebu kang Engineer Wilfredo Candia, ang principal Engineer sa Metropolitan Cebu Water District (MCWD), gitino niini nga samtang ang mga personahe sa (MCWD) nagtrabaho sa pag-ayo sa naguba nga tubo sa tubig, nikalit ug kahugno ang karsada tungod sa kakusog sa agos ug pressure sa tubig sa ilawom.
Dugang pa niini, nga ang nabuslot nga tubo sa tubig padayun nila nga gi-ayu arun sa ingun dili maapektuhan ug dugay ang mga tawo nga nawad-an ug tubig gumikan sa pag-ayu nila niini.
Una niini si Talisay City Mayor Samsam Gullas nipasalig, nga ang backfilling ug compacting sa bahin sa Bulacao-Candulawan nga dalan nga nahugno himuon karong adlawa, arun dili makamugna ug kahasul sa mga motorista nga moagi sa naasoy nga dapit.
