CEBU – Gipahigayon ang hini-usa nga panagpulong ang Committee on Transportation nga gipangulohan ni Cebu City Councilor James Cuenco kauban ang Cebu City Transportation Office (CCTO) ug uban pang mga stakeholders.
Kini alang sa ilahang hinanali nga aksyon sa pagpunay nga pagsaka sa presyo sa lana, ingon man ang kakuwang sa mga sakyanan.
Sa gipadala nga mensahe ni Councilor Cuenco sa Bombo News Team, giingong ilahang sabotan ang angayan nga buhaton arun nga ma-address ang problema sa mga pasahero nga ma-stranded gumikan kay nagkuwang ang sakyanan ilabi na sa ‘pick hours’.
Lakip sa ilahang hisgotan ang posibling dugang nga ‘discount’ sa mga motorista human nga dul-an usa ka gatos ka pesos na ang matag litro sa lana.
Kahinumdoman nga una nang mihatag ug 3 pesos nga discount ang City government alang sa mga motorista nga taga syudad sa Sugbo diin sa pagkakarun, bugtong ang Phoenix nga gasoline station pa lang ang nakig-partner sa syudad.
