Hisgutanan kabahin sa face mask , dili angayang awayan – Rama

CEBU – Subay sa init nga hisgutanan sa pagsul-ob sa face mask karon nga pabilin gihapon kitang nagsagubang sa pandemya, gibutyag ni Cebu City Mayor Michael Mike Lopez Rama nga dili kini angayang awayan.

Tino pa ni Rama, nga adunay tagsa-tagsa ka domestic actions ang probinsya lakip na nag tri-cities diin managlahi ang territorial authority ug nitataw nga ang gibuhat ni Cebu Governor Gwen Garcia nahisubay ra usab sa ilahang sirkumstansya.

Giklaro sa mayor nga wala kini makigkontra sa posisyon o sa desisyon sa gobernadora.

Gani, gibutyag ni Rama nga makigpulong kini sa kapulisan sa dakbayan aron hisgutan ang maong isyu gumikan dili kini motugot nga mapupos lamang ang oras sa kapulisan tungod lang sa pagpanakop sa wala magsul-ob og face mask.