Cebu City- Patay ang usa ka lalaki human niini gisulong ug bnakigpinusilay sa mga police nga nakaduty sa intel office sa Danao City Police Office ganihang kaadlawon.
Ang suspek ang mao si Jerandy Montes, legal ang edad ug residente sa Brgy Poblacion Sur Danao City. Matud ni Police Supt Jaime Quicho, mga alas 11 ang takna kagabie sa dihang mianha sa Danao Police Station ang suspek diin na alaan pa kini nga usa ka army gumikan sa iyahang gisuot.
Nangita kini nilang SPO1 Renante Manulat, P03 Phil Restauro ug P02 Mark Anthony Mata apan sa dihang masayran nga wala sa police station ang gipangita dali kini nga mibiya sa lugar . Apan pasado alas dose sa tungang gabie , giadto usab niini ang intel office sa kapulisan sa Danao ug gipangita ang tulo apan si PO3 Restauro lamang ang naa.Paggawas ni PO3 Restauro, gipabuthan dayon siya ug ang uban pang mga pulis sa suspek gamit ang calibre 45 niini nga armas.
Dali usab nga nakabawos ang mga police ug napusilan ang suspek kinsang nakaangkon ug samad pinusilan sa iyahang duhan, tyan ug kamot. Gisuwalayan pa kini ug dala sa tamablana apan gidekalarar nga dead on arrival.
Gisaysay pa ni Quicho nga susamang naningil ang suspek sa mga pulis nga mirespondi kaniya niadtong nakalabayng tuig sa dihang gitudlo kini nga amo ang nagpatay sa magtiayon sa Brgy Uguis sa nahisgutang dakbayan.
Gumikan kay gihimo niining hostage ang iyahang kapuyo, napugos ang pulis nga buhi-an ang suspek kaniadto ug mibahad kini kanila nga mubalik kini aron makabawos sa mga pulis. Gane kaninag kaadlawon , matud nmi Quicho nga gipangutana pa sa suspek ang mga pulis kung nakahinumdum pa sila kaniya ug sa nahitabo niadtong miaging tuig, dayon pabuto sa iyang dala nga armas.
Nasuta usab nga gikaghadlukan sa iyahang silingan ang suspek gumikan kay nagpaila kining hitman sa druglord sa Cebu nga si Alvaro Barok Alvaro.
