CEBU CITY – Mikabat sa gatusan ang walay pagduha-duha nga mipaubos sa HIV testing nga gipangulohan sa LoveYourself subay na usab sa National HIV Testing Day “Know Your Status” kagahapong adlawa.
Sa eksklusibo nga pakighinabi sa Bombo Radyo Cebu, gipahibalo ni Maurice Jitty Villaester, ang Public and Media Relations Officer sa LoveYourself, nga napahigayon nila ang HIV testing sa Lapu-Lapu City, Mandaue City, Cebu City ug Talisay City, kung diin ubay-ubay gayud ang mga nagpa-test.
Matud pa nga kadaghanan sa mga nagpositibo ang nag-edad ug 18 ngadto sa 24 anyos diin kadaghanan usab niini nila ang nalambigit sa ‘male to male sex’.
Hinuon, gisiguro ni Villaester nga magpabiling ‘confidential’ ang identity sa mga nagpositibo.
Samtang, gi-asuy usab niini nga libre ang tanan nilang mga laboratory lakip na ang mga tambal alang niadtong mga nagpositibo sa HIV.
