Mitaliwan na ang beteranong aktor nga si Bill Cobbs sa edad nga 90-anyos.
Gikumpirma sa iyang publicist nga si Chuck Jones ang pagkamatay sa aktor sa iyang balay sa Riverside, California.
Nagduda siya nga ang iyang pneumonia nga dugay na niyang gipagbatukan maoy hinungdan sa iyang kamatayon.
Pipila sa mga pelikula diin siya nailhan mao ang isip staff ni Whitney Houston sa pelikulang “The Bodyguard” ug ang mga pelikulang “The Hitler”, “The Brother form Another Planet” ug “Night at the Museum”.
Nagsugod kini sa pagpakita sa salida sa 1974 sa “The Taking of Pelham One Two Three”.
Nagpakita usab siya sa daghang mga salida sa tv ug drama sa US diin nakadaog siya usa ka Daytiem Emmy Award.
Natawo kini sa Cleveland, Ohio ug nagserbisyo sa Air Force sulod sa walo ka tuig.
Sa wala pa mahimong artista, nagtrabaho usab siya sa kompanya sa IBM ug usa usab ka salesman sa mga awto.
Bag-o lang natapos ang iyang adlawng natawhan niadtong Hunyo 16 diin gisaulog gihapon nila kini.
