Namatay ang Hollywood actress nga si Kaylee Hottle sa edad nga 18 human maaksidente sayo sa buntag sa Martes sa Maryland.
Gikumpirma sa iyang amahan, si Joshua Hottle, ang makapasubo nga balita pinaagi sa usa ka post sa social media, diin iyang gipaambit ang nahitabo sa iyang anak.
Sumala sa iyang amahan, milupad pa siya gikan sa Texas paingon sa Maryland aron kuhaon ang lawas ni Kaylee.
Nagsugod si Kaylee sa iyang karera pinaagi sa pag-apil sa mga komersyal sa wala pa siya nakadawat og dagkong papel sa industriya sa pelikula.
Nailhan siya sa iyang pasundayag sa “Godzilla vs. Kong” niadtong 2021 ug sa “Godzilla x Kong: The New Empire” niadtong 2024.
Gawas sa mga pelikula, mipakita usab siya sa reboot series nga “Magnum P.I.”, nga dugang nakapalig-on sa iyang karera isip usa ka batan-ong aktres sa Hollywood.
