Nanawagan ang kanhi senatorial candidate nga si Samira Gutoc nga kung adunay Muslim nga nalambigit sa ambush nga naka-angol ni Lanao del Sur Governor Mamintal Adiong Jr. ug gikamatay sa upat niini ka mga security aide, kay musurindir na lang.
Gibutyag ni Gutoc nga usa ka maka-uulaw nga binuhatan sa pagtuo nga Islam ang maong krimen hinungdan nga nanawagan kini ipasurindir sa mga kabanay ang ilahang sakop kung ugaling nalambigit sa maong insidente nga gitawag nila ug ‘Holy Friday Massacre’.
Matud pa, hangtud karun kay hilabihan nga naguol ug anaa pa sa ‘state of shock’ ang pamilya sa mga biktima sa maong seryoso nga pagpangataki.
Gitino ni Gutoc nga unang higayon kini nga adunay gobernador sa Lanao nga nakasinati ug ambush.
Sigon pa, nangatungdanan ang mga Adiong sulod na sa 20 katuig ug daghan si Governor Adiong, Jr. kay aduna na’y daghang mga crucial projects nga natuman gumikan sa political will.
Gihimug-atan niini nga dili na sila mutugot nga adunay mga susama nga panghitabo sa Mindanao ilabi na human sa Marawi siege.
