Cebu City-Wala nagduha-duha si Rodilo A. Ursal, 36 anyos, taga Sitio common, Brgy. Bakayan, niining Dakbayan sa Sugbo, sa paguli niya sa 300 mil ka pesos nga nahabilin sa iyang usa ka pasahero sulod sa iyang gimaneho nga taxi.
Matud pang Ursal, aduna siyay Foreigner nga pasahero nga iyang gidala gikan sa usa ka hotel sa may North Reclamation Area padulong sa Mactan International Airport.
Sa pagnaog sa Foreigner, adunay laing mipuli og miingun ni Ursal nga adunay na bilin. Pag-lantaw niya, diha na niya na diskubrehan nga 300k ang sulod niini.
Dali dayun siyang mi-adto sa iyang opisina og ang HR na sa ilang operator ang miturnover sa opisina sa Mayor sa Dakbayan sa Sugbo.
Gikalipay usab ni Cebu City Mayor Tommy Osmeña sa gibuhat ni Ursal og misaad nga tagaan siya og ganti sa kaayo nga iyang gibuhat.
Nasayran nga adunay 3 ka anak si Ursal og ang pagpanasahero ang nagbuhi sa iyang pamilya.
