Honoraria sa mga magtutudlo nga miserbisyo sa eleksyon, gihatag na sugod karung adlawa

CEBU – Gisugdan na paghatag ang honoraria sa mga magtutudlo nga nagsilbing Electoral Boards (EBs) niadtong nakalabay nga eleksyon.

Gipahibalo ni Election Officer II Ernerio Ocariza III, nga P10,000 ang madawat sa mga poll precinct chairman, ug P9,000 alang sa mga poll clerk ug third member, apan kuha-an pa kini ug 20 porsyento.

Matud pa, nagsugod na ang distribusyon karung adlawa ug mulanat kini hangtud na sa adlaw nga Biyernes.

Sigon ni Ocariza, nga nakig-alayon na usab ang Comelec sa Department of Education (DepEd) alang sa maong distribusyon.

Kahinumdoman nga una nang misaad ang Comelec nga ihatag ang honoraria sa mga magtutudlo nga nagsilbi nga EBs, 15 kaadlaw human ang eleksyon.