Hostage sa mga Hamas, naluwas sa mga Israel military

Giluwas sa Israel Military ang 52-anyos nga hostage nga gihuptan sa Hamas sukad niadtong Oktubre 7 sa miaging tuig.

Atol sa gipakusog nga operasyon sa habagatang Gaza, ilang giluwas si Kaid Farhan Al-Qadi, usa ka Bedouin Israel citizen.

Diin nakit-an kini sa mga sundalo sa Israel sa usa ka tunel sa habagatang Gaza.

Ingon man nga daling gidala dayon kini sa tambalanan alang sa pipila ka medical check-up.

Mipasalig usab ang Israeli military nga dili siya mohunong sa pagsubay sa nahimutangan sa mga hostage sa Hamas.