Miapelar ang tulo ka mga House leaders sa Senado nga aksiyonan ang sugyot sa pag-amendar sa economic provision sa Konstitusyon human sa survey nga nagpakita og 57 porsiyento sa mga Filipino ang pabor niini.
Matod ni Senior Deputy Speaker ug Pampanga 3rd District Rep. Aurelio Gonzales Jr., Deputy Speaker ug Quezon Rep. David Suarez ug Majority Leader Manuel Jose Dalipe, nga ang resulta sa survey sa Tangere mao’y nagsenyas sa liderato sa Senado nga aprobahan ang proposal.
Asoy ni Gonzales nga ang resulta sa survey sa big data research firm nga Tangere niadtong Mayo 21 hangtod 25 tataw nga kadaghanan sa mga Pilipino nagsuporta sa economic Charter amendments.
Diin giaprobahan sa Kamara ang Resolution of Both Houses (RBH) No. 7, ang bersyon niini sa gisugyot nga pagbag-o sa Charter sa ekonomiya kaniadtong Marso.
Ingon man nga nanawagan si Suarez sa pamunoan ni Escudero nga ipadayon ang paghisgot sa RBH 6 nga na-pending sa subcommittee level na gidumala ni Sen. Juan Edgardo Angara.
Sa bahin ni Dalipe, mahimong mapasar sa Senado ang RRBH 6 sa pag-abli sa ikatulong regular session sa 19th Congress sa Hulyo.
