Posibleng magpahigayon og lahi nga imbistiagsyon ang Kamara de Representantes sa umaabot nga mga semana mahitungod sa gibana-banang 319.33 milyones ka pesos nga mga remittance gikan sa China ug Hong Kong nga nadawat sa Cale88 Foods Corporation—usa ka kompanya nga nalambigit kang Atty. Manases “Mans” Carpio, ang bana ni Bise Presidente Sara Duterte.
Matod ni Bicol Saro Party-list Representative Terry Ridon, ang imbestigasyon mahimong maglakip sa pagsusi sa gigikanan, katuyoan, ug mga nakadawat niining mga transaksyon.
Gipasiugda ni Ridon nga kining maong butang angay nga atubangon nga bulag gikan sa kontrobersiya mahitungod sa giingong pro-China nga propaganda ug posibleng impluwensya sa langyaw nga nasud dinhi sa Pilipinas.
Basi sa mga rekord nga gisusi sa Anti-Money Laundering Council, ang mga remittance nga nahimong hisgutanan sa usa ka pagdungog atol sa impeachment trial sa Bise Presidente miabot niining maong kinatibuk-ang kantidad.
Hinuon, ang Kapulungan wala pa nagpagawas og pormal nga pahibalo mahitungod sa eskedyul o sa komite nga mangulo sa giplano nga imbestigasyon.
