All set na ang House of Representatives alang sa umaabot nga State of the Nation Address (SONA) ni Presidente Ferdinand Bongbong Marcos Jr. karong Hunyo 28.
Sa kasamtangan, 95% nang andam ang Kamara alang sa ika-upat nga SONA sa Presidente.
Sumala ni House spokesperson Atty. Princess Abante, aduna nay mga minor adjustments nga kinahanglang lihukon alang sa nasangpit nga kalihukan.
Gidugang sa tigpamaba nga adunay himoong walkthrough sa House of Representatives ang mga delegado sa nasangpit nga SONA.
Ingon man adunay contingency plan ang ubos balay-balaoranan ugaling bati ang lakat sa panahon sa mismong adlaw sa nasangpit nga SONA.
Gipaambit usab ni Abante, nga ang HOR kay padayon sa pagpangandam taliwala pa man sa nasinatiang mga pag-ulan ning nakalabayng adlaw tungod sa bagyong Crising.
Dugang sa opisyal nga gipinalisar na usab nila ang security measures alang sa maong kalihukan, diin kadaghanan niini ang sama lamang sa nakalabayng tuig nga SONA.
Subay niini, wala matud pay nadawat o nadungog ang mga otoridad nga bisan unsang hulga sa seguridad karon nga SONA.
Kahinumduman nga adunay gihimong security adjustments sa siguridad ang HOR sa nakalabay nga SONA, human giisip sa mga opisyal nga hulga sa kinabuhi sa Presidente ang gikataho ni Vice President Sara Duterte nga giingong dili moapil sa SONA tungod kay gidelegar niini ang iyahang kaugalingon isip designated survivor.
Gikatahong gilauman nga mokabat sa 1,500 ang mosalmot sa karon nga tuig nga SONA ni PBBM.
Subay usab ni Philippine National Police (PNP) chief Gen. Nicolas Torre III, anaa sa 12,000 ka mga police personnel ang e deploy alang sa SONA, ingon man ang pagpakatap og advance team karong umaabot nga Hulyo 26, samtang Hulyo 27 usab ngadto sa sayong bahin sa Hulyo 28 ang full deployment.
