Giaprobahan sa House Committee on Basic Education and Culture ang tulo ka dagkong education reform bills nga gisulat ni Leyte Rep. Martin Romualdez, Tingog Partylist Representatives, Yedda Marie Romualdez, Andrew Julian Romualdez ug Jude Acidre nga nagtumong sa pagsulbad sa nagkagrabe nga krisis sa edukasyon sa nasud.
Lakip sa mga naaprobahan nga balaodnon mao ang mosunod:
-Classroom-Building Acceleration Program (CAP) Act (HB 5577) nga nagtugot sa mga LGU ug pribadong sektor nga makigtambayayong sa DepEd sa pagtukod og mga classroom aron makunhuran ang backlog nga kapin sa 165,000 ka mga classroom;
-Ang Education Pathways Act (HB 4248) nag-usab sa istruktura sa post-Junior High School education ngadto sa duha ka track:
-University Preparatory (DepEd) ug Technical-Vocational (TESDA), aron mas maayo nga ihan-ay ang edukasyon sa trabaho ug mga resulta sa pagkat-on;
-ug ang Emergency Classroom Building Act (HB 5103) nga naghatag og temporaryo nga awtoridad sa Presidente sa pagpadali sa pagtukod, rehabilitasyon, ug pag-ayo sa mga classroom, nga gikonsiderar ang kakulang sa imprastraktura sa edukasyon nga usa ka nasudnong emerhensya.
Sumala ni Acidre, Chairperson sa House Committee on Higher and Technical Education, ang pag-apruba sa komite usa ka lakang padulong sa pagpatuman sa mga reporma, dili lang pag-diagnose sa problema.
Ang mga balaodnon ipadala na karon sa plenaryo isip kabahin sa mas lapad nga programa sa House aron mapalig-on ang pundasyon sa batakang edukasyon sa nasud.
