Gideklarar sa House Committee on Justice Miyerkules, Marso 18, 2026, nga ang duha ka impeachment complaints batok kang Bise Presidente Sara Duterte adunay igong basehan, nga nagbukas sa dalan alang sa pagsugod sa hearing sa sunod semana.
Sumala sa House panel, wala direktang gitubag ni VP Sara ang mga alegasyon batok kaniya sa iyang “Answer Ad Cautelam,” nga gisang-at isip tubag sa mga reklamo.
Ang duha ka impeachment complaints adunay mga alegasyon batok sa Bise Presidente sama sa betrayal of public trust, culpable violation of the Constitution, ug uban pa, kalabot sa giingong sayop nga paggamit sa P612.5 milyon nga confidential funds ug mga hulga sa kinabuhi ni Presidente Ferdinand Marcos Jr. ug sa iyang pamilya.
Sumala ni House Deputy Minority Leader Leila de Lima, ang tubag sa Bise Presidente wala magtubag sa mga alegasyon. Dugang usab niini nga walay katin-awan bahin sa malversation of funds, anomalous disbursements, o sa mga sobre nga giapod-apod sa pipila ka mga opisyal sa Department of Education.
Tungod niini, ang komite makapadayon na sa impeachment hearing, diin ang mga ebidensya ug mga testimonya sa mga nagreklamo ug ni VP Sara hisgutan ug susihon.
Sa wala pa botari ang maong desisyon,, ang Chairman sa House justice panel ug Batangas Second District Rep. Gerville Luistro unang miklaro nga ang mga pasangil seryoso ug nanginahanglan og konkreto nga mga tubag. Dugang pa niini nga ang pormal nga hearing magsugod sa Marso 25, 2026.
Samtang, ang House of Representatives miaprubar sa usa ka resolusyon nga magtugot sa komite sa pagpadayon sa mga hearing sa impeachment bisan sa panahon sa recess. Giingon niini nga ang mga sesyon sa House ug Senado isuspinde gikan sa Marso 21 hangtod Mayo 3, 2026.
