Minghangyo og extension nga 4 ka adlaw ug 2 ka teams ang House Prosecution Panel alang sa paspas nga pagmarka sa mga ebidensya alang sa Impeachment Trial ni Vice President Sara Duterte.
Sumala nila Lead Prosecutor Atty. Gerville Luistro ug Manila Representative Joel Chua, nga ipasaka nila sa Senado ang ilang manifestation alang sa ilang hangyo. Anaa sa ika-tulo nga adlaw na ang Pre-trial Conference sa Impeachment Proceedings kung diin gimarkahan ang mga ebidensyang gamiton sa pagdungog sa July 6.
Matud ni Luistro kinahanglang susihon ang gibana-banang anaa sa 1900 documents gikan sa Department of Education ug kapin sa 2000 usab gikan sa Office of the Vice President kalabot sa Confidential fund.
Sa kasamtangan 4 ka grupo lang ang nagtrabaho sa pagmarka sa mga dokumento, hinungdan nga minghangyo ang prosecution og dugang team ug extension hangtud sa Sabado.
Kumpyansa usab si Manila Representative Joel Chua nga ihatag sa Senado ang ilang hangyo aron dili malangay ang nakatakdang Impeachment Trial.
Gibutyag usab sa House Prosecution Panel nga unang hisgutan sa Impeachment Trial ang mga alegasyon sa assassination plot, grave threats ug inciting to sedition batok kang Vice President Sara Duterte.
