CEBU CITY-Makapasamot sa bati nga imahe ni Presidente Rodrigo Duterte ang pag-appoint kay Pampangga representative Gloria Macapagal Arroyo isip House Speaker puli kang Congressman Bebot Alvarez.
Kini maoy gibutyag ni Senator Antonio Trillanes IV. Matud ni Trillanes nga ang nahitabo kagahapon sa KONGRESO pipila ka sa dili pa ang SONA ang nagpakita lamang nga wala nay kontrol si Duterte sa iyahang mga kaalyado.
Dugang pa sa Senador nga mas maglisud na karon ang Duterte administration kabahin sa ilang paningkamot nga mawagtang ang korupsyon sanglit matud pa nga si Arroyo mismo maoy nawong sa korupsyon.
Ang administrasyon matud pa ni Duterte maoy nagsilbing tapukanan sa mga kontrabida sa Philippine politics diin nakita usab ni Trillanes nga mga timaan kini sa dili maayong kaugmaon sa nasud.
