CEBU-Gipahibalo ni Atty. Gerry Carillo, ang chairman sa Cebu City Disaster Council, nga aduna na’y mga panimalay nga gitukod ang lokal nga kagamhanan sa dakbayan sa South Road Properties alang sa mga nakalapas sa 3-easement zone sa mga kasapaan.
Matud pa, adunay 15,000 ngadto sa 16,000 ka mga informal settlers ang makapahimulos niini, samtang anaa sa 10,000 ngadto sa 20,000 gikan usab sa mga coastal areas.
Sigon ni Atty. Carillo nga ang adunay kapasidad kay mahimong maka-avail sa ‘rent-to-own’ nga tag-P3,000 kada buwan ug bayaran sulod sa 30 ka tuig, samtang ang walay mga kapasidad sa pagpalit ug unit kay mahimo lang sa gihapon nga mag-abang.
Subay sa maong kalamboan, gitino niini nga nagpadayon ang mga river commanders sa pagpahigayon ug public hearing arun nga makasabot ang mga tawo ilabi na niadtong mga maapektohan sa demolisyon sugod sa katapusan ning buwana ug mahuman sa tunga-tunga nga bahin sa sunod tuig.
