Cebu City- Nagmahay ang usa ka amahan human nga iyahang napatay ang kaugalingong anak sa dihang iyaha kining gibunal-bunalan gamit ang kahoy.
Nahitabu ang maong insidente sa Brgy Looc, dakbayan sa Mandaue kung diin na-ilhan ang biktima nga si Beverly Parawan, 10 anyus ug mao ang kamagwangang anak sa suspetsadu. Gisaysay ni Jaime Parawan, 58 anyus, sa dihang nahinabi sa Bombo News Team, nga gikan siya nag-inum kung diin mi-uli na siya nga hilabihan ka hubug.
Matud pa nga pag-abut niya sa ilahang panimalay dayun niyang pangasaba sa iyahang tulo ka mga anak. Gihimug-atan sa suspetsadu nga aksidente lang ang nahitabu ug dili niya intensyun nga patyun ang iyahang anak.
Dugang pa nga wala niya damha nga musangput sa kamatayun sa iyahang anak sa pagtu-u nga ang iyahang gibunalan ang ilahang aparadur. Nagkanayun kini nga ang iyahang pagbunal arun lang nga magbatun ug kahadluk ug magpatu-u kaniya ang iyahang mga anak.
Apan sa wala damha giingung iyaha na lang nasayran nga namatay na sa tambalanan ang iyahang anak gumikan sa hilabihan nga bun-ug sa lawas
