Gihangyo ni Cebu City Councilor Dave Tumulak ang mga katawhan nga manglimpyo daan sa mga pantiyon sa dili pa ang panahon sa kalag-kalag ug dili na togotan sa pagdala ug hait nga mga butang sa pagpanglimpyo.
Matud ni Tumulak nga susama lang gihapon sa nakalabay nga tuig ang gibuhat nga pagpangandam.
Mapasalamaton usab ang konsehal sa mga kapulisan ingon man sa mga brgy. tanod ug Brgy. officials gumikan andam na usab kini sa umaabot nga kalag-kalag.
Kini aron sa pagbantay sa mga nagkadaiyang sam-ang ug sa pagmentenar sa seguridad sa katawhan.
Dugang pa sa konsehal nga posibleng ipatuman ang re-routing sa dalan kun ugaling magdasok ang katawhan sa mga sam-ang ilabi na sa daplin sa kasada.
Hinoon adunay gipang-deploy nga mga traffic personnel para sa pag-mando sa traffic.
Gidili sa gihapon ang pagpamaligya ug mga ilimnong makahubog sa sulod nga bahin sa menteryo ingon man ang pagdala ug mga soundsystem.
Hangyo ni Tumulak sa katawhan nga di magadala o magbilin ug sabot sulod sa sam-ang.
