Hulagway sa mga posibleng suspek sa kamatayon ni Reah Mae Tocmo, gisusi na sa kapulisan

CEBU CITY-Gikonektar na sa mga kapulisan ang mga nasubay nga CCTV sa kaso sa linuog nga kamatayon ni Reah Mae Tocmo.

Sa pagkakaron, gisusi na pag-ayo ang mga CCTV gikan sa dakbayan sa Mandaue hangtud sa mga posibling maagian sa biktima.

Sa pakighinabi sa Bombo Radyo Cebu, kang Lt. Col. Janet Rafter Deputy City Director for Operation of the Cebu City Police Office, nga aduna na sila’y ‘identity’ sa suspek sa biktima.

Giklaro usab ni Rafter nga wala pa’y kompletong pangalan apan, aduna na’y hulagway nga gikuptan.

Sa dugang nga pahayag ni Lt. Col. Janet Rafter, nga dili lang usa ka indibidwal ang gilantaw sa kapulisan tungod sa nasuta sa CCTV nga aduna pa’y laing personalidad nga posibleng may kalabutan sa kamatayon ni Reah Mae Tocmo.