Gikatahong dako ang posibilidad nga modagayday ang lahar gikan sa bulkang Kanlaon sa Isla sa Negros nunot sa hulga sa pag-uwan sa probinsiya tungod sa Southwest Monsoon ug localized thunderstorms.
Mao kini ang gitaho sa Philippine Institute of Volcanology and Seismology (PHIVOLCS), basi sa report sa PAGASA.
Diin mamahimo kini nga hinungdan sa panagsang kusog nga pag-ulan sa Negros Island nga molungtad sa pipila ka buwan.
Kini nga mga pag-ulan mahimong hinungdan sa pag-dagaydau sa lahar gikan sa mga bakilid sa bulkan ug modagayday ngadto sa mga suba sa Southern Kanlaon.
Partikular sa mga lugar nga naagian sa lahar flow sa miaging tulo ka adlaw.
Tungod niini, hugot nga girekomendar sa PHIVOLCS ang dugang pag-amping sa publiko nga nagpuyo duol sa mga sapa sa Southern Kanlaon.
Gitambagan usab ang mga local government units nga muhimo ug pre-emptive response measures kung masinati ang kusog nga ulan.
