CEBU – Gi-uyonan sa usa ka human rights lawyer ang pagduso ug mga petition sa pagbabag sa umaabot nga proklamasyon ni presumptive president Ferdinand ‘Bongbong’ Marcos, Jr.
Gihimug-atan ni Atty. Democrito ‘Mokring’ Barcenas, nga angayan lang nga ma-disqualify si Marcos, Jr. gumikan kay konbiktado kini sa kasong tax evasion.
Apan nanghinaut lang kini nga mubarug sa ilahang pagka-independente ang Korte Suprema ug dili magpadala sa mando sa kasamtangang administrasyon.
Matud pa, sagad sa mga huwes sa Korte Suprema kay giingong iyaha ni Presidente Rodrigo Duterte.
Gidugang pa sa abogado nga milabaw si Marcos, Jr. sa boto sa nakalabay nga pinili-ay, apan wala kini musalig sa Comelec ilabi na nga sagad sa mga anaa sa komisyon kay giingong tawo ni Duterte nga gikan sa Davao.
