Opisyal nang gitunol sa Dynamics Castings, Inc. ang ilahang gi-donate nga Hybrid Dynacast Gymnasium sa Subangdaku Elementary School, atol sa Regional Kick-off sa Brigada Eskwela 2026 gahapong adlawa, Hunyo 2.
Ang maong P50-million multipurpose building nga adunay kapin 900 square meters nga floor area, ug aduna kini 10 ka classroom, gymnasium ug ubang teaching facilities nga gamit kaayo sa mga estudyante, ilabi alang sa nagkalain-laing programa ug kalihokan nga pagahimuon sa eskwelahan. Diin, tumong sa proyekto nga mahatagan og dugang nga pasilidad ang mga estudyante alang sa ilang pagtuon ingon man mas hapsay ug dako nga lawak alang sa pagahimuon nga mga programa.
Subay niini, mapasalamaton usab si Mandaue City Mayor Thadeo Jovito ‘Jonkie’ Ouano mahitungod na sa dako nga kontribusyon nga gihatag sa dakbayan sa maong mga donor, ug malipayon usab siya sa donasyon sa kompanya tungod kay mapuslan na kini sa mga estudyante sa maong eskwelahan.
Samtang, gihisgutan usab ni Arturo Bayocot, Direktor sa Department Education Central Visayas, ang kahinungdanon sa suporta sa mga stakeholder sa pagsulbad sa kakulang sa mga klase, samtang gidasig ang padayon nga pag-apil sa komunidad sa mga pagpangandam sa eskwelahan.
Hinungdan nga giawhag niini ang mga estudyante, ilabi na sa Central Visayas nga motunga atol sa opisyal nga pag-abli sa klase karong umaabot Hunyo 8, tungod kay mao kini ang opisyal usab nga pagsugod sa regular classes, ug wala na kadtong kanhing pagbansay-bansay.
Samtang, nasayran usab nga gawas sa gymnasium, ang bilding adunay bag-ong mga classroom usab ug usa ka speech laboratory.
Ingun man ang turnover gipangulohan kini Mandaue City Ouano, ni Cebu Governor Pamela Baricuatro, ug ang pribadong donor sa maong pasilidad.
Mitambong usab ang mga opisyal gikan sa Department of Education. Samtang, si Cebu Archbishop Abet Uy mao ang nangulo sa pagbendisyon sa bag-ong bilding.
