Gisaway ang Integrated Bar of the Philippines (IBP) human ang Davao City chapter niini mihatag sa “Golden Pillar of Law” award ngadto kang kanhi Presidente Rodrigo Duterte, kinsa nag-atubang karon sa International Criminal Court (ICC) sa The Hague tungod sa crimes against humanities.
Matod sa IBP national office, ilang susihon ang mga guidelines sa paghatag sa award aron masiguro nga ang umaabot nga mga pag-ila magpakita sa integridad sa serbisyo ug pasalig sa hustisya.
Gipasabot ni IBP communications director Katrina Mordeno nga ang pasidungog wala magpasabot og suporta o moral absolution alang kang Duterte, kondili pag-ila lamang sa kapin 50 ka tuig nga propesyonal nga serbisyo sa pagpangabogar sa kanhi presidente.
Hinuon, giangkon ni Mordeno nga nakasabot ang IBP sa moral nga kabalaka sa publiko, tungod sa mga alegasyon sa paglapas sa tawhanong katungod ubos sa administrasyong Duterte.
Bisan pa niini, ang IBP Davao City Chapter niinsistir nga ang pasidungog dili pag-endorso sa personal nga ideolohiya o politikanhong mga kalihokan, apan usa lamang ka pag-ila sa propesyonal nga status sa mga abogado.
