Gihupay sa International Criminal Court (ICC) ang mga kabalaka sa mga apektadong komunidad ug mga member state nga ang pagdungog sa ilang kaso mahimong dili magpadayon human sa pagkatangtang sa piskal nga si Karim Khan.
Gitangtang si Khan human siya napamatud-ang sad-an sa seryosong kalapasan ug paglapas sa katungdanan.
Matud sa ICC, giila niini ang desisyon sa Assembly of States Parties diin ang mga miyembro mibotar niadtong Biyernes nga i-dismiss si Khan.
Moabot sa 82 sa 152 ka miyembro sa asembliya ang mibotar nga hingpit nga i-dismiss si Khan sa usa ka sekreto nga botohan nga gihimo sa headquarters sa United Nations sa New York.
Gidugang sa ICC nga ang mga kaso nga ilang gidungog magpadayon ug dili mohunong.
Ang mga deputy prosecutors mopuli kang Khan.
Ang mga Deputy Prosecutors nga sila si Nazhat Shameem Khan ug Mame Mandiaye Niang magpabilin sa ilang mga posisyon.
Mahinumduman nga ang 56-anyos nga si Khan mibiya sa iyang trabaho niadtong Mayo 2025 human gilunsad ang imbestigasyon tungod sa mga alegasyon sa pag-atake sa usa ka babaye nga miyembro sa kawani.
