Gikalipay sa International Criminal Court (ICC) ang kombiksyon ni Ali Muhammad Ali Abd-Al-Rahman, nga mas nailhan nga Ali Kushayb, sa 27 ka ihap sa war crimes ug crimes against humanity may kalabotan sa kaylap nga kapintasan sa Darfur, Sudan gikan sa Agosto 2003 hangtod Marso 2004.
Si Kushayb, kanhi senior nga opisyal sa Janjaweed militia, usa ka armadong grupo nga gisuportahan sa gobyerno sa Sudan nga nahibal-an nga nalambigit sa usa ka brutal nga kampanya batok sa mga rebeldeng grupo sa Darfur.
Ang giingong mga krimen sa Darfur naglakip sa pagpatay, torture, pagpanglugos, ug pagpanggukod, nga giingong kabahin sa kaylap ug sistematikong pag-atake sa West Darfur.
Sumala sa ICC, kini ang una nga kombiksyon sa Darfur ug ang una nga kaso nga gisang-at niini, nga giingon nga nagbunga ug maayo kaayo nga mga sangputanan pagkahuman gi-refer kini sa ICC sa United Nations Security Council kaniadtong 2005.
Gipasiugda sa ICC nga kini usab ang unang hukom sa Korte sa pagpanggukod nga gibase sa gender, lakip ang pagpanglugos sa mga babaye ug kababayen-an.
Kung diin ang prosekusyon nakahinapos nga si Kushayb ang responsable sa pagpanumpo batok sa mga lalaki sa tribu nga Fur base sa ilang etniko, politikal, ug kagikan sa gender.
Samtang, ang Korte gikatakda nga mopadayon sa sentencing phase aron sa pagdesisyon sa gitas-on sa silot nga ipahamtang sa Kushayb.
