Nagpasidaan ang International Criminal Court prosecutor batok sa bisan unsang mga hulga ug pagpanghadlok taliwala sa gitaho nga mga kabalaka sa Israel kung ang tribunal mag-isyu og warrant of arrest nga may kalabotan sa gubat sa Gaza.
Diin ang ICC wala maghisgot kung ang komento niini may kalabutan sa nagpadayon nga imbestigasyon sa posible nga mga krimen sa gubat sa Israel o sa Palestinian nga grupo nga Hamas sa Gaza ug sa West Bank.
Sumala sa buhatan sa ICC chief prosecutor Karim Khan nga ang internasyonal adunay kagawasan ug walay pagpihig ug sa diha nga ang giingong hulga sa mga indibidwal sa pagbalos batok sa korte o batok sa mga personahe sa korte bisan kon kini wala gibuhat, kini mahimong usa ka sala batok sa administrasyon sa Hustisya.
Busa, nipasidaan ang ICC ug niapelar kini sa paghunong sa maong mga kalihokan.
Kahinumdoman nga ang ICC naglunsad og imbestigasyon niadtong 2021 batok sa Israel, Hamas ug uban pang armadong grupo sa Palestinian tungod sa posibleng mga krimen sa gubat sa nasakop nga mga teritoryo sa Palestina.
