Mimando ang Pre-Trial Chamber sa International Criminal Court (ICC) sa medical examination ni kanhi Presidente Rodrigo Duterte.
Kini aron matino ang iyang katakus sa pag-apil sa pre-trial proceedings lakip na ang pagkumpirma sa mga kaso.
Ang nasangpit nga desisyon nunot sa sunod-sunod nga pagpasaka ug deliberasyon ubos sa Pre-Trial Chamber I ug pagtudlo sa tulo ka medical experts ni Duterte.
Gilangkoban ang Kamara nila ni Judges Iulia Antoanella Motoc, Reine Adélaïde Sophie Alapini-Gansou, ug María del Socorro Flores Liera.
Gimandoan usab nila ang Registry sa pagpahigayon og medikal nga eksaminasyon ug paghatag og kompleto nga mga rekord sa kanhi Presidente ngadto sa usa ka panel sa tulo ka independenteng mga eksperto sa medisina.
Gilangkuban usab ang mga medical panel sa usa ka forensic psychiatrist, usa ka neuropsychologist, ug usa ka geriatric ug behavioral neurologist.
Gilauman nga maghimo sila og mga rekomendasyon sa bisan unsang espesyal nga mga lakang nga gikinahanglan aron masiguro ang usa ka patas ug makatarunganon nga pagdungog sa kanhi Presidente.
Gitakda ang pag-file sa rekord sa Registry sa Oktubre 31 .
Kahinumduman nga gi-postpone niadtong Septiyembre 23 ang confirmation of charges hearing tungod sa hangyo sa defense team.
