Nagmando ang International Criminal Court (ICC) Trial Chamber III og bag-o ug komprehensibong medikal nga eksaminasyon alang kang kanhi Presidente Rodrigo Duterte.
Katuyoan sa maong lakang nga matino ang kahimsog sa iyang panglawas aron makaatubang sa pormal nga husay nga gikatakdang magsugod karong Nobyembre 30.
Sa desisyon nga gipagawas niadtong Hunyo 12, gipalihok pag-usab sa korte ang multidisciplinary medical panel ang grupo nga nagpahigayon sa unang ebalwasyon kang Duterte sa pre-trial phase niini.
Kahinumduman nga una nang nihangyo ang iyang defense team og laing ebalwasyon niadtong Mayo 25, diin ilang gisupak ang unang hukom sa korte nga nag-ingon nga “angayan ug andam” na ang kanhi presidente nga moatubang sa maong legal nga proseso.
Ang kanhi presidente nag-atubang karon og mga kasong crimes against humanity tungod sa iyang madugong kampanya batok sa ilegal nga droga sa nasod.
