Gisalikway sa International Criminal Court (ICC) Pre-Trial Chamber ang hangyo sa kampo ni kanhi Presidente Rodrigo Duterte alang sa usa ka independent expert aron masusi ang mga hinungdan sa risgo sa Rome Statue.
Sa lima ka panid nga desisyon, nahuman na sa Panel ang mandato niini pinaagi sa pagsumiter sa taho.
Busa, magamit na kini karon sa depensa ug wala’y nakita nga rason ang Chamber aron isugo ang Panel sa pag-andam og laing dugang nga report lapas sa mandato niini.
Nangayo na ang kampo ni Duterte nga ang panel mag-andam og report basi sa kasamtangang mga nahibal-an sa medikal bahin sa kapasidad sa kanhi presidente.
Mahinumduman nga gisalikway na sa ICC Pre-Trial Chamber 1 ang hangyo sa kanhi presidente alang sa interim release, diin ang iyang padayon nga pagkapriso hinungdanon usab ubos sa Artikulo 58(1) sa Statue.
