Gipasiugda sa International Criminal Court (ICC) nga ang kanhi Presidente Rodrigo Duterte adunay direktang kontrol ug naghatag og pinansyal nga suporta alang sa kaylap nga mga pagpamatay ubos sa iyang anti-narcotics campaign.
Atol sa unang adlaw sa confirmation of charges hearing, diin wala mitambong si Duterte, gipunting ni ICC Prosecutor Mame Mandiaye Niang nga ang kanhi presidente nagpondo ug personal nga nag-ila sa mga target sa Davao Death Squad o DDS.
Sumala ni Niang, ang kontribusyon ni Duterte importante sa pag-neutralize sa mga kriminal sa Pilipinas pinaagi sa pagpatay.
Gipasiugda sa piskal nga dugang sa regular nga sweldo, ang direktang mga naghimo sa krimen nga nagsunod sa mga mando tungod sa kahadlok, ganti, o buta nga pagkamaunongon makadawat usab og kwarta matag tawo.
Ang hingpit nga gahum ni Duterte giingon usab nga napamatud-an sa pagkunhod sa mga kaso sa pagpatay sa dihang iyang gisuspinde ang operasyon sa kaduha nga higayon.
Si Duterte nag-atubang og tulo ka ihap sa mga krimen batok sa katawhan tungod sa kapakyasan sa paghatag og due process sa mga biktima.
Sa pikas bahin, gipakita usab ni ICC Prosecutor Julian Nicols ang mga litrato sa mga personalidad nga kauban o kakunsabo ni kanhi Presidente Rodrigo Duterte sa iyang kampanya batok sa ilegal nga droga.
Ingon man ang pagtudlo sa kanhi Presidente sa mga kapulisan unsaon pagtanom og ebidensya atol sa kasagsagan sa madugoong war on drugs.
