Gilauman nga susihon pag-usab sa International Criminal Court (ICC) ang mga aplikasyon sa mga biktima sa madugoong drug war nga gusto nga moapil sa pagdungog batok kang kanhi Pang. Rodrigo Duterte.
Kini human sa katapusang kumpirmasyon sa international tribunal sa kaso sa kanhi presidente nga nag-abli sa dalan alang sa pagpadayon sa pagdungog.
Sumala sa ICC, mag-isyu kini og bag-ong deadline alang sa mga paryente sa mga biktima sa pag-file sa ilang mga aplikasyon samtang ang kaso anaa pa sa gikatakdang pagdungog.
Ingon man nga ang mga aplikasyon nga wala makasulod sa ‘scope’ sa kaso isumiter sa Trial Chamber alang sa dugang nga pagrepaso.
Ang ICC Pre-Trial Chamber I kaniadto nagtugot sa hangtod sa 539 ka mga biktima nga moapil sa gikatakda nga husay.
Bisan pa, giklaro sa korte kaniadto nga wala kini magpasabot nga ang mga biktima motestigo sa nagpadayon nga husay batok sa kanhi lider sa Pilipinas.
Ang Trial Chamber nga mohusay sa kaso sa kanhi presidente gilauman usab nga maporma sa dili madugay.
