Giklaro ni Senate President Pro Tempore Panfilo Lacson nga ang iyang pamahayag bahin sa panginahanglan nga ang mga warrant of arrest sa International Criminal Court (ICC) moagi sa mga korte sa Pilipinas dili aron protektahan sila si Senador Ronald dela Rosa ug Senador Bong Go, apan aron respetuhon ang proseso sa balaod sa nasud.
Kini human nga sila si De la Rosa ug Go bag-o lang ang ginganlan sa ICC isip giingong “co-perpetrators” sa kaso ni Duterte, sumala sa “Document Containing Charges” nga gipagawas niadtong Pebrero 13, 2026.
Gihimug-atan ni Lacson nga ang proseso sa balaod sa nasud ubos sa Artikulo 3 Section 2 sa 1987 Konstitusyon ang gipanalipdan ug dili ang mga senador.
Gidugang niya nga sa katapusan, ang Korte Suprema sa Pilipinas ang mohubad sa husto nga legal nga aksyon.
Ingon man nga ang bisan unsang warrant of arrest gikan sa ICC kinahanglan una nga moagi sa usa ka lokal nga korte, nga mopagawas sa angay nga mando aron ipatuman ang warrant of arrest sa langyaw, ug hatagan ang mga senador og oportunidad nga gamiton ang tanan nga legal nga remedyo.
