Gilusad sa Independent Commission for Infrastructure (ICI) karong Martes, Disyembre 2 ang livestream channel niini sa online video sharing platform nga Youtube aron i-broadcast ang public hearings niini sa kontrobersiya sa flood control projects.
Kahinumduman nga niadtong Oktubre, ang ICI mianunsyo sa ilang paglibkas sa closed-door policy sa ilang mga imbestigasyon may kalabon sa binilyon nga nasurikbot nga pundo nga gitagana sa mga flood control projects tibuok nasud.
Gianunsyo na sab sa ICI ang mga lagda niini sa pag-livestream niadtong Nobyembre.
Sa samang lagda, ang mga resource persons ug mga ahensya sa gobyerno kay mamahimong mu-request og executive session nga pribado ug dili makita sa publiko basta aduna lang balidong rason aron mapadayon.
