CEBU CITY-Hustisya ang singgit sa maguwang sa 14 anyos nga nilu-ug nga gipatay sa lungsod sa Pinamungajan, Cebu.
Matud ni Jenebee Andayop, 16 anyos sa dihang ekslusibong nahinabi sa Bombo Radyo Cebu nga grabi ang nadangatan sa iyahang igsoon ug nanghinaut kini nga mu-surindir na lang ang suspek nga mipatay sa iyahang manghud.
Gihulagway ni Jenebee ang iyahang igsuon nga hilumon, buotan, simple nga bata ug kanunay lang gayud nga magpuyo sa balay hinungdan nga dili niini madawat ang kamatayun sa iyahang igsoon.
Giangkun pa niini nga daan nang adunay lalaki nga magsigi ug agi ingun man manglili sa ilaha. Sigon pa nga siya ang kanunay nga lili-on sa maong lalaki apan pagduda niini nga ang iyahang igsuon ang nataymingan ug natripingan.
Gihandum pa niini ang katapusang panag-uban sa iyahang manghud kung diin malipayon pa kini sila anang Dominggo sa gabii, pila ka oras sa wala pa kini mawagtang ug nakaplagang patay.
