CEBU CITY-Tanang anggulo ang gilantaw karon sa Mabolo sa PS sa pagpatay ni Cary “Tangkag” Llaguno kinsang igsoon sa inila nga druglord sa Sugbo nga Si Tata “Negro” Llaguno.
Gipatay si Cary sulod sa iyang balay sa bukirang bahin sa Brgy. Malubog kung diin sigon sa mga nakasaksi nga gisaka kini og 20 ka tao niadtong kaadlawon sa adlaw nga Miyerkules, Setyembre 25.
Basi sa imbestigasyon, gibutyag ni PCapt. Dexter Basirgo, ang hepe sa Mabolo PS nga sukad nga namatay si Tata Negro ang igsoon niini nga si Cary ang misunod kaniya.
Apan ila pa nga gisuta karon kung duna bay nakontra ang biktima nga posibleng maoy mibuhat sa krimen ug gisubay usab nila ang anggulo sa iligal nga drogas.
Subject for verifcation pa usab kung 20 ka tao ba gyud ang misulod sa balay niini og maoy mipatay.
Sa inisyal nga impormasyon, gipagawas sa mga mamumuno ang kauban sa biktima sa balay ug taud-taud, nakabati nalang sila og buto-buto.
Human sa pagpatay, gisunog pa sa mga mamumuno ang balay sa biktima.
Ugdaw na ang balay sa dihang miresponde ang kapulisan ug ingon man napaig na ang lawas sa biktima.
Tungod niinim naglisod karon ang kapulisan sa pagkuha og ebidensya sa nahitabong krimen.
