Mikunhod ang natalang ihap sa krimen sa dakbayan sa Sugbo sumala pa sa Cebu City Police Office (CCPO).
Kini human narekord sa kapulisan sa syudad ang 21.2% nga pagkunhod sa crime rate sukad sa buwan sa Enero hangtod sa Agosto ning kasamtangang tuig kung itandi sa 2024.
Matod pa nga gikan sa 4,218 ka mga kaso nga natala sa milabayng tuig, kay anaa nalang sa 3,325 ang kasong natala karong tuiga.
Nakuha usab sa mga kapulisan ang 100% clearance efficiency sa tanang mga report nga kaso nga natubag ug naresolba.
Sumala pa ni Acting City Director Police Col. Enrico Figueroa ang kalampusan sa ilang mga sakop nga resulta sa ilang mga operasyon sama sa Night Patrols, Checkpoints, Oplan Bulabog, ug Oplan Pakigsandurot.
Hinaot sa opisyal sa publiko ang padayogn suporta sa komunidad aron nga mas malikayan ang kalihokang dili makaayo para sa kahapsay ug kalinaw sa dakbayan.
