Ihap sa mga namatay sa sunog sa Brgy Ermita napun-an pa

CEBU CITY-Napun-an pa ang ihap sa mga namatay sa nahitabong sunug kagahapon sa buntag sa Brgy Ermita dakbayan sa Sugbo.

Matud ni Brgy Councilor Tonet Flores nga kagabie gibawi-an ug kinabuhi si Princes Alulud, 8 anyos ug pag-umangkon sa tag-iya sa balay nga gigikanan sa sunug.

Matud ni Konsehal Flores nga grabe ang paso nga naakon sa biktima hinungdan nga namatay gayud kini samtang gitambalan sa Vicente Sotto memorial medical center.

Matud pa nga naa karon sa 50-50 nga kahimtang ang kinamaguwangang anak sa mag live in nga sila si Joel Digman ug Idalyn Alulud.

Kasamtangan usab nga naka confine sa tambalanan ang maglive in human nakaangkon ug paso sa ilang lawas human gisulayan sa pag rescue ang ilang mga anak.