Ihap sa mga nangamatay gumikan sa pagdahili sa yuta sa Papua New Guinea, anaa na sa 670 – UN

Kapin sa 670 ka mga tawo ang gituohan nga namatay human sa pagdahili sa yuta sa usa ka baryo sa Papua New Guinea, matud pa usa ka opisyal sa United Nations.

Sa pagbanabana sa UN migration agency nga si Serhan Aktoprak nga kapin sa 150 ka mga balay ang nalubong tungod sa maong katalagman.

Gani, hangtud karon delikado gihapon ang sitwasyon tungod sa padayong pagkahugno sa yuta ug padayon ang pag-agos sa tubig nga nakahatag og dakong peligro sa tanan sa Port Moresby.

Ug kapin sa 1,000 ka mga tawo usab ang nawala gikan sa baryo nga ang mga tanum nga pagkaon ug mga suplay sa tubig kay hapit na nga naguba.