Miabot na sa kapin 180 ka mga tawo ang namatay ug dul-an sa 750 ang naangol human sa magnitude 7.7 nga linog miigo sa Myanmar nga nabatyagan usab sa Bangkok, Thailand, pasado sa udto niadtong Biyernes, Marso 28.
Samtang sa Bangkok, Thailand, lima ka tawo ang namatay ug 117 ang missing.
Nanawagan ang Amnesty International sa ruling military junta sa Myanmar nga tugotan ang humanitarian aid nga makasulod sa tanang lugar nga naigo sa linog.
Samtang, ang embahada sa Pilipinas sa Yangon, Myanmar, nipagawas og opisyal nga advisory nga nag-awhag sa mga Filipino sa nasud nga magpabiling kalmado ug magmonitor sa mga updates mahitungod sa linog.
Ingon man nga mihatag usab ang embahada og emergency contact line alang sa mga Filipino nga nanginahanglan og tabang nga may kalabotan sa linog.
Sa pagkakaron, sa katapusang advisory sa ahensya diin miingon nga walay Filipino nga gitaho nga namatay sa pagtay-og sa yuta.
