Mikunhod ang gidaghanon sa mga walay trabaho nga Pilipino sa nakalbayng buwan sa Pebrero ning tuiga, sumala sa Philippine Statistics Authority (PSA).
Base sa pinakabag-o nga survey sa labor force, si PSA USec. Claire Dennis Mapa, mibutyag nga ang unemployment rate niadtong Pebrero mikunhod ngadto sa 5.1% gikan sa 6.8% niadtong Enero 2026.
Kini nagpasabot nga anaa sa 2.66 milyon nga mga Pilipino ang walay trabaho sa maong buwan gikan sa 2.96 milyon nga walay trabaho niadtong Enero 2026.
Atol sa usa ka press conference niadtong Miyerkules, Abril 8, gipasabot sa PSA Chief nga human sa holiday sa Enero, posible nga adunay pagkunhod sa mga seasonal nga trabaho.
Kon itandi ang unang duha ka bulan ning tuiga ngadto sa 2025, ang average nga walay trabaho nga indibidwal misaka ngadto sa 2.8 milyon kon itandi sa 2.05 milyon sa samang panahon sa miaging tuig.
Tungod niini, sumala ni USec. Mapa, nakita nga ang nagpadayon nga kagubot sa Middle East adunay epekto sa mga kalihokan sa ekonomiya sa nasud. Sa umaabot nga mga bulan, matod niya, makita kon magpadayon ba ang trend sa kawalay trabaho.
Samtang, ang underemployment rate miubos usab ngadto sa 11.8% niadtong Pebrero gikan sa 13.2% niadtong Enero. Kini nagpasabot nga adunay 5.84 milyon nga mga trabahante ang underemployed o adunay trabaho apan nangita og dugang nga trabaho.
Giklaro sa PSA nga ang datos nakolekta sa wala pa magsugod ang gubat sa Middle East, busa wala pa kini makasakop sa mga naapektuhan sa krisis nga gipahinabo sa kagubot sa rehiyon.
Mahitungod sa employment rate o adunay trabaho o negosyo niadtong Pebrero, kini Misaka gamay ngadto sa 94.9% gikan sa 94.2% niadtong Enero 2026.
Kini nagpasabot nga hangtod sa 49.43 milyon nga mga trabahante ang adunay trabaho o negosyo niadtong Pebrero 2026.
Sumala ni USec. Mapa, adunay mga industriya nga nakakita og padayon nga job absorption matag tuig, sama sa administratibo ug suporta nga mga serbisyo, labi na sa mga kalihokan sa call center (voice) nga adunay taas nga employment rate nga 350,000 ug mga temporary employment agency activities ingon man mga kalihokan sa akomodasyon ug accommodation and food service activites ug financial insurance activities.
