CEBU CITY-Ubay-ubay na ang nag positibo sa iligal nga drogas sa gipahigayon nga suprise drug test sa Cebu City Office for Substance Abuse Prevention (COSAP) sa milabay nga adlaw petsa 4 sa buwan sa Disyembre sa mga sakop sa Cebu City Gov’t.
Kini ang gibutyag ni Jonah John Rodriguez ang head sa COSAP human gipaubos sa drugtest ang duha ka departamento sa Peace and Order ug ang Cebu City Council lakip na si Vice Mayor Mike Rama.
Ubos sa departamento sa Peace and Order, adunay nag positibo nga usa ka book samtang negative ang sa Cebu City council.Dul-an 300 usab ka mga staff sa mga konsehal ang gipa-ubos sa drug test kagahapong adlawa ug karon adlawa mahibaw-an na ang resulta.
Nasayran nga gikan sa Nobyembre nikabat na sa 43 ang nag-positibo sa mga gipahigayong surprised drug test sa COSAP.Sa pagkakaron, aduna’y 13 kabuok ang nasuta nga di na maka-renew sa ilang kontrata sa Cebu City Hall human nag positibo.
Gihulagway ni Rodriguez nga alarming ang maong panghitabo gumikan kay sulod palang sa kapin usa ka buwan niabot na ug ingon-ani kadaghan ang nagpositibo. Nanghinaot nalang ang pangu sa COSAP nga mukunhod na ang ihap sa magpositibo pa sa ginadili’ng drogas. (Lahvi Quiñones)
